Një video e natyrës private ka nisur të qarkullojë në një rreth të ngushtë politik dhe mediatik në Tiranë. Dyshohet se protagonist i saj është izraelitu 60-vjeçar Ron Yeffet, që në video shfaqet me një avokate të njohur të kryeqytetit. Autenticiteti i materialit dhe identiteti i personave nuk janë konfirmuar zyrtarisht.
Yeffet përshkruhet si person që ka përfituar mbi 35 milionë euro para publike dhe që synon të marrë në dorë fusha nafte, shëndetësi dhe sektorë të tjerë kyç. Pretendohet gjithashtu se është shpallur non grata nga disa vende, nga Afrika deri në Evropë, për skema mashtrimi me pasoja të rënda.
Sipas burimeve, avokatja ka udhëtuar disa herë drejt Izraelit dhe vendeve të tjera për punët e Yeffet. Në këto vende ai nuk mund të shkojë vetë, nga frika e një arrestimi të mundshëm.
Thuhet se avokatja ka frekuentuar edhe vila qeveritare nga Tirana në Jug, ku akomodohet Yeffet nën mbrojtjen e gardës. Sipas pretendimeve, aty ai finalizon marrëveshje e afera korruptive dhe mbrohet nga njerëzit që ka mashtruar.
Mbetet për t’u parë nëse Yeffet do ta zgjedhë pikërisht këtë avokate si mbrojtëse, në rast se SPAK e merr të pandehur për aferën KAYO, trafikun e armëve, korrupsionin dhe pastrimin e parave.
Në të njëjtin kontekst përmenden edhe të huaj të tjerë të lidhur me krime ekonomike në Shqipëri. Mes tyre është Hongping Xiao i Bankers Petroleum, i cili sipas përgjimeve i pyeste telefonisht punonjëset se çfarë kishin veshur. Pas arrestimit të tij, administrator i përkohshëm u emërua kroati Andrija Kojaković, që pretendohet se u filmua me partnere kineze. Përmendet edhe turku Veysel Sahin, për të cilin thuhet se organizon festa me grupe vajzash.
