Ish-drejtoresha e Shërbimit Informativ Shtetëror (SHISH), Vlora Hyseni, paraqitet të hënën para Gjykatës së Posaçme të Apelit, ku do të shqyrtohet kërkesa e saj për ndryshimin e masës së sigurisë “arrest në shtëpi”.
Seanca është caktuar të nisë në orën 13:00. Në fund të shqyrtimit gjykata pritet të vendosë nëse masa që ka aktualisht ish-krerja e SHISH-it do të ndryshohet apo jo.
Kërkesën e Hysenit do ta shqyrtojë gjyqtari Florian Kalaja, pranë Apelit të GJKKO-së.
Gjatë seancës priten të dëgjohen argumentet e palëve lidhur me masën e sigurisë. Vendimi i gjykatës do të tregojë nëse Hyseni do të qëndrojë në arrest shtëpie ose nëse ndaj saj do të vendoset një masë tjetër.
